Бу сылга Ньурба улууһун Ф.Г.Сафронов аатынан киин бибилэтиэкэ 95 сыллаах үбүлүөйүн бэлиэтиир. Биир үйэҕэ чугаһа суох кэмҥэ үлэлээн, бибилэтиэкэ оройуон олохтоохторугар билии, култуура уонна сырдатыы дьиҥнээх киинэ буолла. Бүгүҥҥү күҥҥэ кини хас да салааны түмэр, олор бары саастаах ааҕааччылары — оҕолортон саҕалаан улахан дьоҥҥо тиийэ — кытта көхтөөхтүк үлэлииллэр.

Библиотекарьдар кинигэни биэрэргэ эрэ муҥурдаммакка, айар куонкурустары, сырдатар ааксыйалары уонна тиэмэҕэ олоҕурбут тэрээһиннэри тэрийэллэр, устуоруйа өйдөбүлүн харыстаан уонна аныгы кэм хайысхаларын тутуһан проектнай отдел, медиакиин «Олоҥхо», «Ньурба уоттара» литературнай түмсүү таһаарыылаахтык үлэлииллэр. Бу үбүлүөй — бибилэтиэкэ оройуон олоҕор уонна хас да көлүөнэ дьонун сайдыытыгар киллэрбит сүүнэ кылаатын билинэр бэлиэтэ.

Сэтинньи 24 күнүттэн саҕалаан бибилэтиэкэ үбүлүөйдээх тэрээһиннэригэр көхтөөхтүк кыттыыны ыларгытын ыҥырабыт!