Бүгүн, о.э. олунньу 19 күнүгэр Малдьаҕар модельнай бибилэтиэкэтин уонна “Чуораанчык” оҕону сайыннарар киин үлэһиттэрин тэрийиитинэн Никииппэр Сэмиэнэп аатынан норуот айымньытын киинигэр оҕо аймах тапталлаах суруйааччыта, поэтесса Агния Львовна Барто төрөөбүтэ 120 сылыгар аналлаах Малыкай түбэтин оскуолаҕа киириэн иннинээҕи саастаах оҕолоругар “Оҕо поэзиятын бырааһынньыга» буолан ааста.

Бу бырааһынньыкка барыта 31 оҕо кэлэн кыттыыны ыллылар:

Хатыытааҕы «Сарыал» уһуйааныттан – 4, Маалыкайдааҕы «Сардаҥа» уһайааныттан -7, «Мичил» уһуйааныттан — 7, Чукар «Ымыычаан» уһуйааныттан – 5, Малдьаҕар «Чуораанчыгыттан» — 8 оҕо.

Кэлбит ыалдьыттары киирэр аан таһыгар Агния Барто айымньыларын дьоруойдара үөрэ-көтө, уруйдаан-айхаллаан көрүстүлэр. Бырааһынньык аһыллыытыгар Өрөспүүбүлүкэтээҕи «Брилиантовые нотки – 2026» фестиваль I ст. лауреаттара, «Полярная звезда» 29-с республиканскай  телевизионнай күрэх зональнай көрүүтүн I ст. дипломаннара буолбут “Чуораанчык” уһуйаан иитиллээччилэрин «Дьөһөгөй» үҥкүүтүнэн аһылынна (Үҥкүүнү туруорааччы Ньургуйана Попова). 

Ол кэнниттэн, “Чуораанчык” уһуйаан үлэһиттэрэ Агния Барто “Оонньуурдара” буоланнар наһаа үчүгэй инсценировка көрдөрөн, оҕолору олус сэргэхситтилэр. Төһө да эһэчээн атаҕа быстыбытын иһин, куобахчаан ардахха хаалбытын иһин, Таанньа кыыс мээчигин үрэххэ түһэрэн ытаабытын иһин, ону сэргэ  сиэлин тарааттаран олус киэргэммит Сылгычаан, массыынаҕа олорсон иһэн охтубут куоска — бары Агния Барто хоһооннорун дьоруойдара буоланнар, оҕолор оонньуурдарын харыстыыр, таптыыр, аһыныгас дьон буолбуттара, элбэх үчүгэйгэ үөрэммиттэрэ диэн эттилэр. Дьэ, ол кэнниттэн кыттааччылар бөлөҕүнэн Агния Барто хоһооннорун аахтылар. Күрэх 4 бөлөҕүнэн ыытылынна. Ол курдук, 3 саастаахтарга — 7, 4 саастаахтарга — 4, 5 саастаахтарга-10, 6-7 саастаахтарга — 10 оҕо буоланнар аахтылар.

Оҕолор бары кыһаллан үөрэппиттэрэ, туттан-хаптан туран ааҕаллара, хоһоон ис хоһоонунан таҥнан-саптан кэлбиттэрэ поэзия бырааһынньыгын олус киэргэттэ. Ааҕааччылар быыстарыгар Агния Барто олоҕун, айар үлэтин кэпсээтим. Хоһооннор ааҕыллан бүппүттэрин кэннэ, күрэҕи сыаналыыр хамыыһыйа түмүк таһаарыар диэри «Чуораанчык» уһуйаан “Бриллиантовые нотки-2026” I ст. лауреаттара, II оройуоннааҕы «Чоргуй» чабырҕах курэҕин 1 үрдэл кыайыылаахтара Сахайаана Васильева уонна Айыына Саввинова «Сэрии аны буолума» диэн ырыаны ыллаан дьиэрэттилэр, чабырҕахтаан тылыбыраттылар. (муз.салайааччы Ольга Ушканова). Саамай долгутуулаах, күүтүүлээх түгэнигэр Агния Барто айымньытыгар анаммыт күрэҕи сыаналыыр хамыыһыйа бэрэсэдээтэлэ “Мичил” уһуйаан сэбиэдиссэйэ Светлана Семеновна Пестрякова бүгүҥҥү тэрээһини өрүү буоларын курдук, олус үчүгэйдик тэрийбиккит диэн хайҕал тылларын эттэ уонна махтанан туран, “Чуораанчыктарга” өйдөбүнньүк бэлэх туттарда.

Ол кэнниттэн түмүгү биллэрэн, оҕолорго тэрийээччилэр бэлэмнээбит туоһу суруктарын, грамоталарын, бириистэрин, минньигэстэрин туттартаата:

3 саастаахтарга 1м. – “Сарыал” Хатыы Данилова Сардаана сал.Данилова Е.В. 2м. – “Сардаҥа” Маалыкай Духова Камила сал.Петрова А.В. 3м – “Мичил” Маалыкай Григорьева Санаайа сал.Рожина Р.И.

4 саастаахтарга 1 м –“Чуораанчык” Малдьаҕар Егорова Алина, сал.Попова Н.Н. 2 м. – “Сарыал” Хатыы Ксенофонтова Алиса, сал.Тимофеева С.А. 3 м- “Чуораанчык” Малдьаҕар Ефимов Максимилиан, сал.Петрова Е.М.

5 саастаахтарга:

1 м. – “Чуораанчык” Малдьаҕар Семенов Виталий сал.Ушканова О.С.

2 м. – “Мичил” Маалыкай Тихонова Аделина сал.Тихонова А.Г. 3 м. – “Сардаҥа” Маалыкай Петров Айтал, сал.Андреева Т.Н.

6-7 саастаахтарга

1 м. – “Чуораанчык” Малдьаҕар Саввинова Айыына, сал.Ушканова О.С.

2 м. – “Чуораанчык” Малдьаҕар Тыасытова Алия Куо, сал.Васильева В.В.

3 м. – “Чуораанчык” Малдьаҕар Васильева Сахайаана, сал.Николаева А.В.

Бүгүн Агния Барто 120 сылыгар анаммыт поэзия бырааһынньыгар кыттыбыт оҕолор бука бары кыайыылаахтар! Тоҕо диэтэр, кинилэр кырачаан оҕолортон саҕалаан, толлубакка  хоһооннору олус үчүгэйдик аахтылар. Бу курдук, Агния Барто айымньыларын ааҕан, сэргээн, кинигэни таптаан, үтүө-мааны дьон буоллуннар!  Уһуйаан бары үлэһиттэригэр оҕолору бэлэмнээн аҕалбыттарыгар улахан махталбытын биллэрэбит. Баҕарабыт бу уустук эрээри, кэскиллээх үлэҕитигэр ситиһиилэри, оҕо-төрөппүт уҕараабат махталларын, тус олоххутугар дьолу-соргуну!

Иванова Елена