Алтынньы 9 күнүгэр кырдьаҕастар декадаларын чэрчитинэн А. Моргусов аатынан норуот айымньытын дьиэтин Киирэптээҕи салаатыгар наһаа интэриэһинэй оҕуруоннан киэргэл оҥорорго маастар кылаас буолла.

Маастар кылааһы Антонова Анна Васильевна сатабыллаахтык, олус интэриэһинэйдик тэрийэн ыытта. Кэлбит кыттааччыларбыт маннык тэрээһиннэр тиһигин быспакка буолалларыгар баҕа санааларын эттилэр,кэлэр көрсүһүүлэри былааннаатылар. Ону сэргэ олохтоох библиотекарь Николаева А.И. «Старость в радость»- диэн кинигэ быыстапкатын обзордаабытын сэҥээрдилэр, хаһаайкаларга наадалаах элбэх кинигэни,журналы көрдүлэр.

Бу курдук биир олус туһалаах, истиҥ тэрээһин ыытылынна.

Бибилэтиэкэр Николаева А.И.