Бүгүн, муус устар 21 күнэ — ОЛОХТООХ БЭЙЭНИ САЛАЙЫНЫЫ КҮНЭ.
РФ Бэрэсидьиэнэ Владимир Путин 2012 сыллааҕы дьаһалынан Бүтүн дойду үрдүнэн, муус устар 21 күнэ «Олохтоох бэйэни салайыныы» күнүнэн биллэриллибитэ. Россия биир саамай эдэр бырааһынньыктарыттан биирдэстэрэ буолар.
Саха Өрөспүүбүлүкэтигэр 2002 сыллаахха олунньу 19 күнүгэр СӨ Бэрэсидьиэнин уурааҕынан олохтоох бэйэни салайыныы Сэбиэтэ тэриллибитэ уонна быыбар биллэриллибитэ, бу саҥа хайысханы олоххо киллэриигэ күүстээх үлэ саҕаламмыта. Оттон Ньурбабыт оройуонугар бэйэни салайыныы статуһа оройуон таһымыгар 2003 сылтан, 2007 сылтан нэһилиэктэр таһымнарыгар ыытыллыбыта.

Бүгүн Күндээдэтээҕи олохтоох библиотекаҕа «Диалог с властью» диэн ааттаах биир сэргэх көрсүһүү буолла. Нэһилиэкпит баһылыга Яков Евгеньевич Замятин Күндээдэбит общественнай олоҕуттан туора турбат, өрүү көхтөөх аҕам саастаах эбээлэрбит түмсүүлэрин кытта көрүстэ. Нэһилиэк олоҕун-дьаһаҕын, ыытыллар үлэлэрин, инники былааннарын билиһиннэрдэ. «Алгыс» түмсүү актыбыыстара иитиэхтээн илдьэ сылдьар санааларын эттилэр, интэриэһиргиир боппуруостарыгар сөптөөх хоруй ыллылар, нэһилиэкпит инники былааннарын истэн, сүбэ-соргу буолан астынан тарҕастылар. Инникитин маннык көрсүһүүлэр өрүү буола турдуннар диэн баҕа санааларын эттилэр.