Муус устар 27 күнэ — саха норуотун олоҕор быһаарыылаах уонна ураты суолталаах күн. 1922 сыл муус устар 27 күнүгэр БСКСК Президиумун анал уурааҕынан Саха Автономнай Советскай Социалистическай Республиката тэриллибитэ. 

Саха сиригэр олорор дьону-сэргэни бу улуу, ытык, үөрүүлээх күнүнэн истиҥник эҕэрдэлиибит! 

Бүгүн улахан суолталаах күҥҥэ Саха литературатын төрүттээччи, классик суруйааччы Алексей Елисеевич Кулаковскай-Өксөкүлээх Өлөксөй улахан суолталаах, сүбэ-соргу быһыытынан ыччат киһиэхэ  анаабыт “Оттоку олук алгыһа” айымньытын ааҕаллар Чуукаар орто оскуолатын үөрэнээччилэрэ. 

Улуу киһибит биир да алгыстаах тыла сыыска-буорга түспэккэ, көлүөнэттэн көлүөнэҕэ бэриллэ туруохтун!