Биир үтүө күн Сабардахова Сардана Максимовна, араас сылларга Артекка уонна Орленокка сылдьыбыт пионердары түмэн тэрээһини библиотекаҕа ыытыахха диэн, Рея Петровнаҕа төлөппүөн нөҥүө тахсыбыта. Рея Петровна ону өйөөн, коллегаларын кытта сүбэлэһэн баран, тэрээһиҥҥэ бэлэмнэнэн барбыта.
Кини Орленок уонна Артек «оҕолоругар» куйаар ситиминэн бассаап группа тэрийбитэ. Ол группата өрөспүбүлүкээнскэй группа буолан «Орленок» группатыгар 254 , «Артекка» 250 — тан тахса дьон киирбиттэрэ. «Бу наһаа үчүгэй группа тэриллэн эрэр, маны идеялаабыттарга махтал !» — бассаап ситимиттэн. Биир группаҕа баппаккалар икки группа тэриллибитэ, билигин дружинанан арахсан тус-туһунан группа буолбуттар.
«Бу ньурбалар идеяларынан Саха Өрөспүүбүлэкэтэ бары өрө туран Артекка, Орленокка сылдьыбыттар мустан, ахтыһан Якутскайга ыам ыйын 19 күнүгэр Пионерия 100 сылыгар улахан тэрээһин ыыттыбыт.» — бассаап ситимттэн.
«Убайдааҕым олох оҕо саастарыгар төннөн кэлэн барбыттара, харахтара умайан , наһаа үчүгэй тэрээһин тэрийбиккит пионер күнүгэр диэн махтаналлар …» — бассаап ситимттэн.
Биир кэмҥэ, биир отрядка сылдьыбыт оҕолорун булсан, элбэх киһи махтал тылларын эппиттэр. Сардана Максимовна, Рея Петровна идеяларын хабан ылан үлэ бөҕөтө былаанныыллар. Юбилейнай Мэтээл оҥорторобут, кинигэ таһаарабыт дииллэр.
ТэрээҺини сүрүннээччи Рея Петровна элбэх махтал тылларын күн бүгүнээҥҥи дылы тутар.
Ыам ыйын 28 кунугэр Ньурба куорат пааркатыгар пионерия 100 сылын чэрчитинэн «Салют, Пионерия !» Ньурба оройуонун араас сыллардаах артековецтарын уонна орленоктарын пионерскай сбордара тэрээһин 15 ч. буолар.

📚 Ф.Г.Сафронов аатынан Киин бибилэтиэкэ ааҕааччыны кытта үлэлиир салаата. 📚
25.05.2022 с.