Ахсынньы 26 күнүгэр Чаппанда бибилэтиэкэтигэр «Алгыма» эбээлэр түмсүүлэрэ «Саҥа дьылы остуол тула олорон- бары бииргэ көрсөбүт» диэн ааттаах сылы түмүктүүр тэрээһиҥҥэ кытыннылар. Түмсүү салайааччыта Федорова П. Н. саҥа дьылынан э5эрдэлээн баран, ахсынньы ыйга төрөөбүт күннээхтэргэ сэмэй бэлэхтэри уонна бары эбээлэргэ 2025 сыл бэлиэтэ змея символын үөрүүлээх түгэҥҥэ туттарда. Саамай саастаах, библиотека бэтэрээн аа5ааччыта Егорова З. В. төрөөбүт күннээхтэргэ бэйэтэ баайбыт бэлэхтэрин туттарда. Остуол тула олорон викторинаҕа кытыннылар, саамай элбэх очкону ылан Иванова К. Е., Егорова Н. А., Максимова З. Г. бэлэхтэри туттулар. Маны сэргэ «Урукку кэм саҥа дьыла» диэн ааттаах харыйа оонньуурдара, аккырыыккалар көрдөрүүгэ турдулар. Саамай ураты харыйа оонньуурдарын аҕалан Михайлова М. Е. уонна Федорова П. Н. бэлэхтэри туттулар. Эбээлэр кэлэн ирэ-хоро кэпсэтэн, көрдөөх оонньууга кыттан, саҥа дьыллаа5ы ырыалары ыллаан, көрдөөх түгэннэри кэпсэтэн үөрэн-көтөн бардылар.

Бибилэтиэкэр Тимофеева Е. С.