Егорова Павла Кирилловна хомуйан оҥорбут “Муоппаал удьуордара” кинигэ Федот Григорьевич Сафронов аатынан Киин бибилэтиэкэҕэ бэс ыйын 28 күнүгэр сүрэхтэннэ. Тэрээһини иилээн-саҕалаан ыытта Дьиикимдэ филиалын бибилэтиэкэрэ Светлана Никандровна Павлова.

Кинигэҕэ 19-с үйэ ортотугар, 20-с үйэ саҥатыгар Ньурба оройуонун Өҥөлдьө нэһилиэгин Тэҥкэтигэр оҕолонон-урууланан “һайдаан-һаттаан” олорон ааспыт Муоппаал Тимофей Алексеевичтан төрүттээх, кини удьуордара, биир хаан аймах дьон, өбүгэлэрин ааттара кэлэр кэнэҕэс ыччакка ааттана, ытыгалана турдун диэн суруйбут ахтыылара киирдилэр.

“Муоппаал удьуордара” кинигэ Дьокуускай куоракка “Сахатайм” кинигэ кыһатыгар 50 ахсаанынан бэчээттэнэн таҕыста.

Ааптар, Павла Кирилловна Киин бибилэтиэкэҕэ саҥа кинигэни бэлэх уунна. 

Ааҕааччыны кытта үлэлиир салаа.