Саха сиригэр ыам ыйын 18 күнүгэр хаартыска быыстапката тэрийээри ньургуһуннаах хаартыска хомуйбуппар, Чаппанда олохтоо5о Нина Алексеева Егорова 1961 сыллаахха ыам ыйыгар, ньургуһун сибэкки өлгөмнүк үүнэр кэмигэр түспүт хаартыскатын, а5алан көрдөрдө.

Бу хаартыска5а бэһис кылааска үөрэнэ сылдьан Нефтебаза таһыгар, “Крахмалы” бааһынаҕа походтуу сылдьан түспүттэр. Хаартыскаҕа тураллар хаҥастан бастакы: Афанасьева-Хохсоторова Ирина, колхозка ньирэй көрөөччүнэн үлэлээбитэ, Алексеева — Чурустаева Мария, Духовой оркестр преподователя, Антоновка5а музыкальнай оскуола5а үлэлээбитэ, Захарова Христина, Саввинова Мария начальнай кылаас учуутала, Афанасьева-Рожина Люба, оскуола тех. үлэһитэ, Федорова Мария Дмитриевна, НСШ N1 оскуолатыгар математика учуутала, Ефремова-Данилова Таисия, “Ньурба”совхозка экономист-бухгалтер, госстрахха үлэлээбитэ. Сорох бииргэ үөрэммит оҕолорбут билигин суохтар. Ити курдук 64 сыл устата, кичэйэн, харыстаан илдьэ сылдьыбыт хаартыска кылгас историятын кэпсээтэ.

Ньургуһун күнүн көрсө Чаппанда модельнай библиотекатыгар «Ньургуһун олох, Кыайыы сибэккитэ» хаартыска уонна илиинэн оҥоһук быыстапката турда.

Ону сэргэ ньургуһун сибэккини үөрэппит учуонай — ботаник Варвара Степановна Федорова библиотекаҕа биэрбит кинигэлэрин быыстапката турда.

Елена Тимофеева