Чаппанда модельнай библиотекатын ааҕар саалатыгар тохсунньу 20 күнүгэр Ньурба улууһун Саалтаанытыттан төрүттээхтэр тустарынан тахсыбыт «Саалтааны Асхар Даадар сыдьааннара» диэн кинигэни билиһиннэрии ыытылынна.

«Дани-Алмас» типографиятын көмөтүнэн тахсыбыт үрдүк хаачыстыбалаах, дьоһун суолталаах кинигэни билиһиннэриигэ Саалтааныттан төрүттээх Чаппандаҕа, Ньурбаҕа олорор олохтоохтор кэлэн кыттыыны ыллылар.

Кинигэ тахсыытыгар хайдах үлэ барбытыттан саҕалаан ситиэр диэри туох ханнык үлэлэр ыытыллыбыттарын уонна кинигэ ис хоһоонун ааптар Татьяна Дмитриевна билиһиннэрдэ. Ол кэнниттэн кинигэ тула кэпсэтии ыытылынна.

Бэйэлэрин санааларын уонна кинигэ тула санааларын үллэһиннилэр: Никифоров Владимир Антонович, Васильева Люция Романовна.

Бу дьоро түгэҥҥэ кинигэ ааптара Татьяна Дмитриевна Сидорова, кинигэ күн сирин көрүүтүгэр ахтыыларын биэрэн уонна бэчээккэ тахсарыгар көмөлөспүт дьонноругар дириҥ махталын тиэртэ уонна кинигэлэрин туттартаата. Саҥа тахсыбыт кинигэбит Марха улууһун 200 сылыгар ананар. Бүгүн кэлэн кыттыыны ылан санааларын үллэстибит биир дойдулаахтарбытыгар махталбытын тириэрдэбит.

Е. С. Тимофеева