“Сахалыы ааҕарбытын таптыыбыт” күрэх балаһыанньата

Тэрийээччилэр: Ньурба оройуонун Мэҥэдьэктээҕи 11 нүөмэрдээх библиотеката, «Сайдам тыл» түмсүү.
Сыала-соруга: дьиэ кэргэни төрөөбүт тылынан ааҕарга угуйуу, көҕүлээһин, ийэ тыл сүмэтин иҥэрии. Төрөөбүт тылы, сахалыы ааҕыыны уонна дьиэ кэргэн сыаннастарын, үтүө үгэстэрин ытыктыырга, харыстыырга, киэн туттарга иитии. Дьиэ кэргэнинэн сахалыы ааҕар, төрөөбүт тылларын өрө тутар дьиэ кэргэттэри бэлиэтээһин.
Кыттааччылар: оскуола саастаах оҕолоох эбэтэр оҕолордоох дьиэ кэргэн.
Кыттыы усулуобуйата: бу үүммүт 2025 сыл устата ый аайы биирдии саха суруйааччыларын айымньыларын ааҕыы, ыйытыктарга эппиэттээһин. Күрэх ыйытыктара, айымньы аата Ньурба оройуонун библиотекатын сайтыгар https://lib.nrbr.ru, Мэҥэдьэктээҕи 11 нүөмэрдээх библиотека телеграмм ханаалыгар https://web.telegram.org/a/#-1001707137976 ый саҕаланыытын аайы тахсыаҕа.
Ыытыллар кэмэ: тохсунньу – ахсынньы 2025 с.
Ирдэбил: Күрэххэ кыттар дьиэ кэргэн ааттара-суоллара, саастара, олорор нэһиэлэктэрэ, оҕолор үөрэнэр оскуолалара, кылаастара толору ыйыллар. Ыйытыктар эппиэттэрин гугл форманан толорон, ый 30 күнүгэр диэри ыытыллар. Ыйдааҕы түмүк хас ый аайы 5 чыыһылаҕа тахсар.
Наҕараадалааһын: ахсынньы ыйга хас биирдии кыттыбыт дьиэ кэргэҥҥэ туоһу сурук, кыайыылаахтарга Добун сурук, бириис туттарыллар.

Билсэр нүөмэргит, аадырыскыт: 89627322217, Мэҥэдьэк нэһилиэгэ, Хатыы сэлиэнньэтэ, Приклубная дьиэ 4 нүөмэрэ.
Бырайыак Үөһээ Бүлүүтээҕи оҕо библиотекатын үлэтин опытыттан ылылынна.

Тохсунньу ыйдааҕы сорудах

2025 сыл “Сахалыы ааҕарбытын таптыыбыт” тохсунньу ыйдааҕы сорудаҕынан Саха норуодунай суруйааччыта Дмитрий Кононович Сивцев — Суорун Омоллоон “Доҕордуулар” кэпсээнэ буолла.

Хоруйдары тохсунньу ый 31 күнүгэр диэри гугл форманан https://docs.google.com/forms/d/e/1FAIpQLScVwVb6Va3TBy1BvGGVQC4pd0axzaR7Im7jPPA-vPH4T73DUQ/viewform?usp=header ыытаҕыт. Ыйдааҕы түмүк олунньу 5 күнүгэр, онтон иккис тургутук олунньу 10 күнүгэр тахсыахтара.

1 тургутук: Суорун Омоллоон “Доҕордуулар”

Күрэххэ олорор сириттэн тутулуга суох ханнык баҕарар дьиэ кэргэн, эбээлэр, эһээлэр да кыттыахтарын сеп. Күрэххэ кыттар дьиэ кэргэн ааттара-суоллара, саастара, олорор нэһиэлэктэрэ, оҕолор үөрэнэр оскуолалара, кылаастара толору ыйыллар уонна биир конт.нүөмэр (ватсапка бөлөх арыллар)

Күрэх ыйытыктара уонна ыйдааҕы түмүк сыл устата Ньурба оройуонун кииннэммит библиотека сайтыгар тиһигин быспакка ый аайы тахсар. Ахсынньы ыйга уопсай түмүк биллэриллэр.

Ньурба оройуонун кииннэммит библиотекатын сайта: https://lib.nrbr.ru

Күндү ааҕааччыларбыт! Төрөөбүт тылбытынан ааҕан, тылбыт баайын, этигэн кэрэтин, эгэлгэтин төгүрүк сылы быһа эппитигэр-хааммытыгар иҥэриэхпит, тылбыт саппааһын хаҥатыахпыт, элбэҕи билиэхпит-көрүөхпүт. Ылсыбыккытын ыһыктыбакка 12 ый бииргэ буолуохха!

Матрена Габышева.