Олунньу 1 күнүттэн кулун тутар 31 күнүгэр диэри сахалыы ааҕыыны көҕүлүүр, саха номоҕор оҕо-ыччат кэрэхсэбилин уһугуннарар соруктаах «Ааҕар Саха сирэ» сахалыы номохторго комикс күрэҕин тэрийэн ыытта.
Дьокуускай куораттан, Амма, Бүлүү, Кэбээйи, Мэҥэ Хаҥалас, Ньурба, Сунтаар, Үөһээ Бүлүү улуустарыттан 6-11 кылаас оҕолоро кытыннылар, уопсайа 21 үлэ киирдэ. Комикс үлэлэр Омоҕой, Эллэй, Тыгын Дархан, Майаҕатта, Ньырбачаан, Ый кыыһа, Суоһалдьыйа Толбонноох, о.д.а. номохторго, ону тэҥэ олоҥхо сюжетыгар олоҕурбуттар. Күрэҕи дьоһуннаах сүбэ сыаналаата, биһирээтэ: — Мира Аргунова, СӨ култууратын туйгуна, Россия худуоһунньуктарын сойууһун чилиэнэ — Давыдова Нина, «Айар» кинигэ кыһатын худуоһунньуктар отделларын сэбиэдиссэйэ — Анисия Иевлева — СӨ бэчээккэ уонна үөрэҕириигэ туйгуна, Национальнай бибилэтиэкэ Цифровизация киинин үлэһитэ, «ҺӨҔҮҤ» хамсааһын көҕүлээччитэ, сахалыы буктрейлер күрэҕин тэрийээччи — Светлана Яковлева — Национальнай архыып үлэһитэ, сыыппара худуоһунньуктарыгар олоҥхо уруһуйдарын мультимедийнай быыстапкатын тэрийээччи (2022) — Мария Кириллина, «Барҕарыы» пуонда дириэктэрин солбуйааччы, тыл билимин кандидата. Күрэх сүрүн успуонсара — «Барҕарыы» пуонда (дириэктэр — А.В. Постников).
Күрэх кыайыылаахтарын үөрэ-көтө билиһиннэрэбит: 1 үрдэл- Петрова Күннэй (Ньурба гимназията, 10 кыл.), «Ньырбачаан» — 7000 солк. 2 үрдэл — Иванова Дайаана (Үөһээ Бүлүү, Дүллүкү, 10 кыл.), «Майаҕатта Бэрт Хара» — 5000 солк. 2 үрдэл — Бережнева Сайаана (Дьокуускай, «Айыы Кыһата» НГ), «Майаҕатта» — 5000 солк. 3 үрдэл — Чинхоин Андрей (Кэбээйи, Сиэгэн Күөл, 11 кыл.) «Үс дойду үһүйээннэрэ» — 3000 солк. 3 үрдэл — Софронова Милана (Амма, Амма 1 оскуолата, 6 «в» кыл.) «Ньургун Боотур уонна Уот Уһутаакы» — 3000 солк., ону тэҥэ А.Иевлева тус бирииһэ. 3 үрдэл — Юмшанова Айсана (Дьокуускай, «Айыы Кыһата» НГ, 8 «а» кыл.) «Ый Кыыһа» — 3000 солк. Биһирэбил — Ноговицына Джульетта(Ньурба, Хатыы) Омоҕойдоох Эллэй — 1000 солк. Биһирэбил — Бүлүү улууһун Тааһаҕар оскуолатын 10 кыл., «Суоһалдьыйа Толбонноох» (сал. Каратаева О.С.) — 1000 солк. Биһирэбил — Трофимова Нарыйаана (Сунтаар, Күүкэй, 10 кыл.) «Манчаары Кутанаҕа сырыыта» — 1000 солк.
Күрэх ыытарга күүс-көмө буолбут сүрүн успуонсарбытыгар «Барҕарыы» пуондаҕа, чуолаан дириэктэр Афанасий Васильевич Постниковка, экспердэргэ Мира Аргуноваҕа, Анисия Иевлеваҕа, Светлана Яковлеваҕа, Нина Давыдоваҕа, Мария Кириллинаҕа дириҥ махталбытын тиэрдэбит! Кыттыбыт оҕолорго, төрөппүттэргэ, учууталларга үөрэххэ, айар үлэҕэ үрдүк ситиһиилэри баҕарабыт! Саха номохторун ааҕыҥ, биһирээҥ! Саха литературатын сэргээҥ!
