Маардааҕы модельнай библиотека филиала от ыйын устата оҕолорго анаан «Сахалыы саҥарабын, суруйабын» диэн куруҺуок үлэлэтэн ааста. Манна оскуола алын, орто сүҺүөх оҕолоро кэлэн күн аайы дьарыктанан, сахалыы остуол оонньууларын үөрэтэн, араас оонньууларга оонньоон тарҕаҺаллар. Бэйэбит нэҺилиэкпит оҕолорун таҺынан Бүлүү, Ньурба, ҮөҺээ Бүлүү, Таатта улуустарыттан сиэннэр кэлэн сырыттылар. Манна оҕолор бэйэ бэйэлэрин кытта билсиҺэн үөрэн-көтөн сырыттылар. КуруҺуокпут тиҺэх күнүгэр хас биирдии оҕоҕо туоҺу суруктар, сэмэй бэлэхтэр туттарылыннылар, минньигэс остуол тула олорон эҺиил эмиэ кэлиэх буолан, күлэ-үөрэ кэпсэтэн тарҕастылар. Саха буоларбыт быҺыытынан төрүт тылбытынан саҥарыахтаахпыт, суруйохтаахпыт диэн хас биирдии оҕоҕо быҺааран, төрөөбүт дойдуну таптыырга иитиини сайыннарар сыалтан маннык куруҺуогу тэрийэн ыыттыбыт.

Иванова О. Д.