✅ Төрөөбүт тыл уонна сурук — бичик декадатын чэрчитинэн, сыллата сахалыы таҥныы күнэ аахсыйа ыытыллар. Бука бары бу күн, олунньу ый 18 күнүгэр Саха буоларбытынан киэн туттан туран, үлэбитигэр — үөрэхпитигэр сахабыт мааны таҥаһын кэтэн киэркэйиэҕиҥ #сахалыытаҥныыкүнэ диэн бэлиэни туттан социальнай ситимнэргэ көрдөрүөҕүҥ диэн ыҥырыыны өйөөн бүгүн Хаҥалас нэһилиэгин олохтоохторо, тэрилтэлэрэ бу аахсыйаҕа кытталлар.
🔸 Саха таҥаһа, саха төрүт култууратыгар улахан суолтаны ылар. Өбүгэлэрбититтэн илдьэ кэлбит саха маанылаах таҥаһа баай-талым, бэйэтэ туспа уратылаах, киэргэлэ — симэҕэ улуу олоҥхобут баай тылыныы сыллата тупсан киэркэйэн иһэр, саха киһитин баай дууһатын, аар айылҕатыгар сүгүрүйүүтүн киэҥник көрдөрөр уратылаах. Саха буолар бэлиэбит тылбыт, сахалыы таҥаспыт, култуурабыт!

Мария Николаева, библиотекарь.