От ыйын 8 күнүгэр Бүтүн Арассыыйатааҕы Дьиэ кэргэн, таптал уонна эрэллээх буолуу күнэ бэлиэтэнэр. Бу күн 2008 сыллаахха дойду үрдүнэн Дьиэ кэргэн сыла биллэриллибитигэр аан бастаан бэлиэтэммитэ. Бу бэлиэ күҥҥэ Ф.Г. Сафронов аатынан киин библиотека ааҕааччыны кытта үлэлиир салаа үлэһиттэрэ Сергей Васильев аатынан пааркабытыгар «Семья — очаг любви и верности» кинигэ быыстапкатын дьон көрүүтүгэр туруордубут. Оҕолорго анаан гольф, викторина, остуол оонньуутун ыыттыбыт. Викторинаҕа оҕолор олус көхтөөхтүк кытыннылар, минньигэс бириистэри тутан үөрэн-көтөн тарҕастылар.

Хас биирдии дьиэ кэргэҥҥэ 
Сырдык таптал уйаланнын, 
Ил эйэ олохтоннун, 
Баай дуол тосхойдун!

Ааҕааччыны кытта үлэлиир салаа