Бүгүн, муус устар 24 күнүгэр Ньурбачаан библиотекарэ Татьяна Афанасьевна Яковлева ыҥырыытынан «Сиэн Чолбодук ааҕыылара» научнай практическай конференцияҕа Ньурбаттан биэс буолан: Саха норуодунай артыыската Валентина Пантелеймоновна Николаева, СӨ үтүөлээх артыыската Александра Константиновна Кривогорницина, суруйааччы сиэн балта, поликлиника медсестрата Оксана Дмитриевна Николаева, Норуоттар доҕордоһуулара түмэлтэн Людмила Васильевна Никитина, бибилэтиэкэ ситимин бэтэрээнэ Людмила Васильевна Иванова, киин бибилэтиэкэттэн мин, Маргарита Романовна Ноева уонна Ньурбачаан оскуолатыттан Анна Егоровна Никитина буолан эксперт быһыытынан үлэлээтибит.
Ньурбачаантан
, Сүлэттэн, Ньурбатааҕы элбэх хайысхалаах оскуолаттан үс хайысханнан И. А. Дмитриев-Сиэн Чолбодук үлэлэринэн олус кэрэхсэбиллээх үлэлэри иһиттибит, көрдүбүт, сыаналаатыбыт.
Конференция саҕаланыытыгар Александра Кривогорницина Сиэн Чолбодук Ньурба тыйаатырыгар сыһыанын,, кини тылбаастаабыт, суруйбут айымньылара турууларын туһунан олус да үчүгэйдик кэпсээтэ. Кэпсэлин экран нөҥүө хаартыскалар көстүүлэрэ ситэрэн биэрдэ, онтон Валентина Николаева «Нэркэс» испиктээктэн Зумрат монологун ааҕыыта… чахчы да тыйаатыр туһа диэн олох олорбут биир дойдулаахпыт суруйааччы, тылбаасчыт, драматург И. А. Дмитриев — Сиэн Чолбодук аата, үлэтэ тыйаатыры кытта быстыспат ситимнээҕин бигэргэттэ.
«И.А.ДМИТРИЕВ ОЛОҔО, ҮЛЭЛЭРЭ» хайысхаҕа оҕолорго кыайыылаах Ньурбачаан орто оскуолатын 11 !кылааһын үөрэнээччитэ Розанна Попова, иккис үрдэл Ньурбатааҕы гимназия 8 кылааһын үөрэнээччитэ Лилия Жирохова, үһүс үрдэл Анастасия Григорьева, Ньурбачаан 7 кылааһын үөрэнээччитэ.
Улахан дьоҥҥо икки учуутал иккиэн кыайыылаах аатын ылан эр бии бастакы үрдэли ыллылар: Ньурба гимназиятын саха тылыгар, литературатыгар үөрэтээччи Сандаара Игоревна Тобонова суруйааччы «Туой Хайа» айымньытын нөҥүө Сиэн Чолбодук экспедицияҕа үлэтин, бэлиэтээһиннэрин сонуннук иһитиннэрдэ, Сүлэ оскуолатын дириэктэрин солбуйааччы Людмила Романовна Иннокентьева драматург, тылбаасчыт быһыытынан тыйаатырга үлэтин киэҥник арыйда.
«ТЭТТИК КИИНЭЛЭРГЭ, ИНСЦЕНИРОВКАҔА» хайысхаҕа бастакы үрдэл Сүлэ оскуолатын Зоя Самуиловна салайар «Овация» куруһуогун «Сэлиичээн» киинэтигэр, иккис үрдэл Ньурбатааҕы гимназия «Сата» театральнай студията устубут «Туой Хайа» киинэтэ, сал. Сандаара Игорьевна, үһүс үрдэл Зинаида Захаровна салайан үлэлэтэр Ньурбачаан оскуолатын » Бэтиэхэчээн» мини театрын оҕолоро «Ытыс бурдук» инсценировкалара
«СУРУЙААЧЧЫ АЙЫМНЬЫЛАРЫГАР КЫРАКЫЙ КИНИГЭЛЭР» хайысхаҕа кыайыылаах Сүлэ оскуолатын 7 кылааһын үөрэнээччитэ Чэмэлиинэ Никифорова, иккис үрдэл Ньурбачаан 3 кылааһын үөрэнээччитэ Айсаана Васильева.
Кыттааччыларга барыларыгар туоһу туттарылынна.
Бу научнай практическай конференция тэрийээччилэригэр Багдарыын Сүлбэ аатын сүгэр Ньурбачаан орто оскуолатыгар, Ньурбачааннааҕы олохтоох библиотекаҕа чаҕылхай олоҕу олорон, үйэлэргэ умнуллубат үлэлэри хаалларбыт И.А. Дмитриев-Сиэн Чолбодук аатын үйэтитиигэ үлэлэрин иһин махтал тылларын тиэрдэбит.
