Сэтинньи 4 күнүгэр Киирэп сэлиэнньэтигэр Сомоҕолоһуу күнүгэр билиини тургутан көрөр викторинаҕа оскуола оҕолоро, нэһилиэнньэ көхтөөхтүк кытынна. Ол курдук кыайыылааҕынан Янкова Туяра Ивановна буолла. Кыайыылаах уонна кыттыбыт дьон минньигэс бириистэринэн бэлиэтэннилэр.
Маны таһынан комсомол 105 сааһын бэлиэтээн урукку активист комсомолецтар Васильева Светлана Ивановна, Янкова Туяра Ивановна мустубут дьоҥҥо ахтыыларын кэпсээн кэрэхсэттилэр, комсомольскай ырыалары кулууп үлэһиттэрэ Семенова Лариса Ивановна, Антонова-Кириллина Анна Васильевна толордулар. Оскуола оҕолоро, эдэр ыччат ол кэминээҕи атрибуттары сонурҕаан көрдүлэр. Тэрийээччилэр, кыттааччылар дойдуга тапталы, бэриниилээх буолууну, бииргэ сомоҕолоһон сырдык, ыраас ыраланыҥ диэн эдэр ыччакка санааларын тиэртилэр.

Библиотекарь Николаева А. И.