Атырдьах ыйын 1 күнүгэр Ф. Г. Сафронов аатынан Киин библиотека, ааҕар салаа үлэһитэ Васильева Р. П. Ньурбатааҕы кырдьаҕастар интэринээт дьиэтин олохтоохторугар икки сэрии кыттыылааҕа, сахалартан бастакы байыаннай үөрэхтээх, кавалерист Спиридон Данилович Скобелев туһунан кэпсээтэ. «Мы из СССР» викторинаҕа олохтоохтор үөрэ-көтө эппиэттээтилэр. Сэбиэскэй Сойуус сылларын санаан харахтыын сырдаан ыллылар.

1 миэстэҕэ Василий Петров -«Профессор» аатын ылла, 2 миэстэ Любовь Павлова — «Знаток», 3 миэстэҕэ Ирина Иванова «Любитель» бочуоттаах ааты ылан минньигэһинэн наҕараадаланнылар. Тэрээһин иккис чааһыгар «Уостан түспэт ырыа» ылланна. Өрүү ырыа аргыстаах Мария Комиссарова, Надежда Санникова, Василий Федоров,Туяра Саввинова, Станислав Афанасьев (сал.Светлана Никифорова) ылбаҕай ырыаларын бэлэхтээтилэр.