Саха Өрөспүүбүлүкэтин  күнүн көрсө, муус устар 25 күнүгэр Күндээдэ оскуолатын үрдүкү кылааһын үөрэнээччилэригэр  төрүт дойдубут историятыттан «Төрөөбүт нэһилиэккин төһө билэҕин?» биктэриинэ ыыттыбыт. 20 боппуруостаах тургутукка барыта 15 оҕо кытынна. Боппуруостар барыта төрөөбүт Күндээдэбит туһунан,  оҕолорбут сорох боппуруостарга ыарырҕаттылар. Ол эрэн  билбэтэхтэрин бүгүн биллилэр, инникитин дойдубут историятын үөрэтэргэ дьулуһуохтара диэн эрэнэ саныыбыт. Оскуола уонна нэһилиэк библиотекалара оҕолорбут дойдуларын туһунан билиилэрин хаҥаталларыгар болҕомтолорун ууран, быйылгы үөрэх дьылыгар маннык биктэриинэни хас да төгүл тэрийэн ыыттыбыт. Түмүккэ оҕолорбут төрөөбүт дойдуларын туһунан билиилэрин хаҥатан, дойдубут хайа да муннугар тиийэннэр киэн тутта дьоҥҥо кэпсии, билиһиннэрэ сылдьыахтара диэн эрэлбит улахан.