Олунньу 13 күнэ — Саха Өрөспүүбүлүкэтигэр Төрөөбүт тыл уонна сурук-бичик күнэ. Бу бырааһынньык Бастакы Президент М.Е. Николаев 1996 сыл олунньу 9 күнүнээҕи Ыйааҕынан олохтоммута уонна сахалыы суругу-бичиги төрүттээччи, учуонай-лингвист, сырдатааччы, саха тылынан үөрэхтээһин акылаатын уурбут Сэмэн Андреевич Новгородов төрөөбүт күнүгэр анаммыта.

Бу күн С. П. Алексеев — Боһуут аатынан Чаппандатаа5ы оҕо уһуйаанын орто-улахан сүһүөх оҕолоругар “Һөҕүҥ” диэн сахалыы алпабыыт буукубаларын кытта билистилэр, саха суругар туттуллар буукубалар ханнык тылга туттулларын ойуулары көрөн ааттаатылар. Салгыы сахабыт оонньууларын кытта билистилэр, бары көхтөөх кыттыыны ыллылар.

Кыра сүһүөх оҕолоро Төрөөбүт тыл уонна сурук-бичик күнүн көрсө “Эһэ уонна саһыл “ диэн сахалыы остуоруйаны иһиттилэр. Саха норуотун оло5ун-дьаһаҕын кэпсиир-көрдөрөр ойуулардаах лотуо, остуол оонньуутугар оонньоотулар. Сахалыы остуол оонньууларыгар: алаадьы, хабылык-хаамыска, балыксыт, эрийии оонньууга көхтөөх кыттыыны ыллылар.

Библиотекарь Тимофева Е. С