Тохсунньу 13 күнүгэр А. А. Моргусов аатынан Талба н.а.дь. Киирэптээҕи салаатыгар «Былыр, быйыл» диэн бэрт сэргэх тэрээһин буолла. Мустубут дьоҥҥо уонна оскуола оҕолоругар кулууп үлэһитэ Анна Васильевна өбүгэлэрбит бу күн хайдах таҥхаланалларын, туох сиэр — туом баарын иһитиннэрдэ, презентация көрдөрдө, таайтарыылаах оонньууну оонньотто. Кулууп уус уран салайааччыта Лариса Ивановна түҥ былыргыттан кэлбит өбүгэ оонньууларын хаб ылык, хаамыска оонньотон оҕолор болҕомтолорун тарта. Библиотекарь Альбина Ивановна «Чэйиҥ, таайсыаҕыҥ» диэн таабырын күрэҕэр оҕолор көхтөөхтүк кытыннылар. Бу курдук бүгүҥҥү тэрээһин олус истиҥ эйгэлээх, туһалаахтык ааста.

А. Николаева, библиотекарь.