Бу күнү көрсө «Алгыма» эбээлэр түмсүүлэрэ, уһун кэмнээх дьаҥ ыарыытын кэнниттэн библиотекаҕа кэлэн, күндү ыалдьыт буоланнар, остуол тула мустан, итии чэй иһэ — ирэ-хоро кэпсэтэн , сынньанан тарҕастылар. Бу күҥҥэ ааспыт сылга 85 сааһын туолбут библиотекам биир солбуллубат, бэтэрээн аа5ааччыта Егорова Зоя Васильевнаны э5эрдэлээһинтэн са5аланна. Зоя Васильевна төһө да саастаах буоллар, аныгы олох уларыйыытын кытта тэҥҥэ хаамсар. Кини дьиэгэр бэйэтэ бас билэр ноутбуктаах, инстаграм, ватсап группаларыгар актыыбынай подписчик. Республика, оройуон, нэһилиэк үрдүнэн библиотекалар ыытар араас онлайн тэрээһиннэригэр көтүппэккэ кыттар, миэстэлэһэр. Россия таһымнаах географическай, юридическай диктаннарга барыларыгар кыттар. Киниэхэ анаан Паша Никифоровна кыыһа илиинэн оҥорбут светильнигин бэлэхтээтибит.Акулина Дмитриевна дьуегэтигэр бэйэтэ баайбыт кылынан сахалыы сэлээппэ бэлэхтээтэ.
«Еленаҕа библиотекаҕа куруук дьиэҕэ сылдьар курдук астына кэпсэтэн күлэн үөрэн кэлэрбит махталлаах суол, ханнык да музыкалаах биэчэрдээҕэр ордук астынаҕын»- эбээлэр махталлара.