Күн күлэн күлүмнээн тахсыыта,

Алааһым ырыанан туолуута,

Саха ыалын алаһа дьиэтитэр,

Дьол-соргу үлүмнэс үөһугэр

Төрөөбут үһүбүн, доҕоттоор.

Өстөөҕү өһөрбут өрөгөй үөрүүтэ

 Көҕөн кус көхсугэр олорсон

Хас алаас аайыытын тиийиитэ

Үөрүүнү үрдэтэ толорсон

Уол оҕо буоламмын түспүппүн.

-диэн Тобонов Афанасий Ильич 1945 сыллаахха ыам ыйын 11 күнүгэр Хорулага төрөөбүтүн туһунан хоһоонунан эппит.

Бугун ыам ыйын 23 күнүгэр биир дойдулаахпыт, эколог, Саха Өрөспүүбүлүкэтин үтүөлээх ветеринарнай бырааһа Афанасий Ильич Тобонов төрөөбүтэ 80 сылынан Нурбатааҕы элбэх хайысхалаах гимназия үөрэнээччилэрэ, Нурбатааҕы ветеринарнай управление улэһиттэрэ кыттыылаах ахтыы күнэ Мартынов П.Н. аатынан дендрологическай скверга буолла.   

Афанасий Ильич Саха Сирин улуустарыгар ракеталар стуупеннарын туһэрии утары охсуспут саха киһитэ, уопсастыбаннай диэйэтэл, бэтэринээр.

Тобонов Афанасий Ильич аатын үйэтитиигэ Ньурба улууһугар иккилии сыл буола-буола «Тобонов ааҕыылара» ыытыллаллар. Ньурба куоракка Афанасий Тобонов аатынан уулусса баар.

Тобонов А.И. туһунан ахтыылары оҥордулар Улуус ветеринарнай сулууспата сайдарыгар улахан кылааты киллэрбит сатабыллаах салайааччы Пахомов Т.И., Ньурба улууһун уонна Хорула нэһилиэгин Бочуоттаах олохтооҕо Николаев И.И. — Сиэн Дыынайап.

Судаарыстыба экологияҕа кэтэбилин Нурбатааҕы кэмитиэтин инспектордара: Иванов А.А., Софронов С.Н. кэмитиэт улэтин-хамнаһын, эколог идэтин, бу идэни баһылыырга туох ирдэнарин, ийэ айылҕабыт уратытын, ураты сыһыаны, харыстабылы ирдиири кэпсээтилэр, боппуруостарга эппиэттэтилэр.

Ааҕааччылары кытта улэлиир салаа