Киин бибилэтиэкэ улахан саалатыгар Россия утуөлээх лесовода, Саха норуотун маастара, Ньурба улууһун уонна Күндээдэ нэһилиэгин бочуоттаах олохтооҕо, Владимир Иванович Саввинов — Кугдаар Буобата төрөөбүтэ 85 сылыгар аналлаах «ДЬҮҺҮЙҮҮ» биир кинигэ быыстапката көрдөрүүгэ турда.
 
Владимир Иванович Сибиирдээҕи технологическай институту бүтэрэн, ойуур хаһаайыстыбатын инженер идэтин ылбыта. Таатта уонна Ньурба улуустарын ойуур хаһаайыстыбаларыгар кылаабынай лесничайынан, салайааччынан үлэлээбитэ.

 
Кини төрүт сирин, норуотун историятыгар, үгэстэрин уонна материальнай култууратын үөрэтиигэ улахан кылаатын киллэрбит дьоһуннаах киһи. Билбитин-көрбүтүн оскуола оҕолоругар, норуотугар кэпсиир, быыстапкаларга кыттар, уран оҥоһуктарын дьон-сэргэ көрүүтүгэр таһаарар.
 
Быыстапкаҕа Владимир Иванович сиэргэ-туомҥа туттуллар маһынан оҥоһуттарын үлэтин сырдатар «Дьүһүйүү» кинигэ көрдөрүллэр. Кинигэни көрө, саха норуотун төрүт култууратын, үгэстэрин уонна саха сирин историятыгар сыһыаннаах саҥа билиини ыларгытыгар кэлэн көрөргүтүгэр ыҥырабыт.