Алтынньы 30 күнүгэр Арассыыйатааҕы «Үрүҥ торуоска» дэкээдэ чэрчитинэн Ньурбатааҕы хараҕынан доруобуйаларыгар хааччахтаах дьон уопсастыбаларыгар «Ырыа – олох аргыһа» тэрээһиҥҥэ Никифорова С.Г. -В.А.Петрова аатынан Ньурбатааҕы улуустар икки ардыларынааҕы кырдьаҕастар, инбэлииттэр интэринээт-дьиэлэрин культмассовига уонна «Кыталык» култуура кииниттэн — Шестаков Т.И., Ф.Г.Сафронов аатынан киин бибилэтиэкэ үлэһиттэрэ ыалдьыттаатылар.

Светлана Герасимовна сонуннарын кэпсээтэ, ырыа олохпутугар үтүө суолтатын интэрнээт олохтоохторунан холобурдаан интэриэһинэй иһитиннэрии оҥордо. Салгыы кыттааччылар Тимофей Иванович баянын тыаһынан доҕуһуоллатан сахалыы ырыалары ыллаан, ирэ-хоро кэпсэтэн, тургутукка оонньоон, сынньанан тарҕастылар. Ааҕааччыны кытта үлэлиир салаа.