Хоруйдары олунньу ый 28 күнүгэр диэри гугл форманан https://docs.google.com/forms/d/e/1FAIpQLSfnV4A4Rc2XALFmE_HU6hwwkINYDAzuBvtxcFvZrRAjFjAeVg/viewform?usp=header ыытаҕыт. Ыйдааҕы түмүк кулун тутар 5 күнүгэр диэри, онтон үһүс тургутук кулун тутар 10 күнүгэр диэри тахсыахтара.

2 тургутук: Н.Е.Мординов — Амма Аччыгыйа « Тугу алҕаһаатыбыт?» Күрэххэ олорор сириттэн тутулуга суох ханнык баҕарар дьиэ кэргэн, эбээлэр, эһээлэр да кыттыахтарын сеп. Күрэххэ кыттар дьиэ кэргэн ааттара-суоллара, саастара, олорор нэһиэлэктэрэ, оҕолор үөрэнэр оскуолалара, кылаастара толору ыйыллар уонна биир конт.нүөмэр (ватсапка бөлөх арыллар) Күрэх ыйытыктара уонна ыйдааҕы түмүк сыл устата Ньурба оройуонун кииннэммит библиотека сайтыгар тиһигин быспакка ый аайы тахсар. Ахсынньы ыйга уопсай түмүк биллэриллэр.

Ньурба оройуонун кииннэммит библиотекатын сайта: https://lib.nrbr.ru

Күндү ааҕааччыларбыт! Төрөөбүт тылбытынан ааҕан, тылбыт баайын, этигэн кэрэтин, эгэлгэтин төгүрүк сылы быһа эппитигэр-хааммытыгар иҥэриэхпит, тылбыт саппааһын хаҥатыахпыт, элбэҕи билиэхпит-көрүөхпүт. Ылсыбыккытын ыһыктыбакка 12 ый бииргэ буолуохха!

Матрена Габышева